LQV STANLEY - Stan Café (已結業)

今日约左一班朋友行山，由鲗鱼涌行去大潭三个几钟。到左大潭紧系即刻飞去赤柱医肚啦。Stan Cafe门面有好多唔同款色蛋糕选择，就系咁我地被吸引去食个Brunch。Brunch Menu对于有小朋友一齐食就觉得选择唔算太多。法式面包同盐味牛油就真心要比几个讃👍🏻👍🏻👍🏻芒果带子红菜头沙律，正！好清新，带子又新鲜，系一款好开胃嘅小食。homemade蕃茄酱意大利面又系冇得弹。蕃茄好香面质感亦都好好。橄榄油芝士松子长通粉都好出色，香口又唔漏。肠仔薯条。咪睇佢好似好寡，真心讲两条法式香肠比预期中好味。呢餐虽然比较贵，但胜在好味道，有机会会再泥食！