影片
更多
2009-12-27
1 浏览
听闻老富昌,中环店最好食。今晚试过,与之前到尖沙咀店比较,真系好食D 噃!可能加上格调/环境也有比较吧!一行八人,有二人食$728二人餐,其余食$278四courses。7:30 order好,等了35分钟才有野食。期间不停供应脆脆的法包。我地仲要等埋,多几度菜的二人餐既步伐,才上Appetizer、Soup、Main、Dessert …..zzzzzz。*白酒煮蚬,哗!未食过咁重酒味的煮蚬,蒜味与白酒合二为一,白酒汤饮多几啖,有点醉意。在咁冻天气下,很暖身。蚬壳厚,唔等于肉厚,蚬肉仲有点腥!所以蚬反而变左配角。烟三文鱼蟹肉牛油果卷,可能烟三文鱼本身咸,蟹肉又咸,三文鱼较瓦色,好似唔系好新鲜,整条卷,口感好似玩具「鬼口水」。是日餐汤:南瓜姜忌廉汤,有试的人都异口同声说,好似食蕃薯糖水。又系噃!我爱姜味浓既野,但apply在足料南瓜汤度,真系有错觉唔系饮紧南瓜汤。*法式煎鹅肝,同事说有脆面,略嫌熟左DD,不过都唔错。*香草田螺,看来都几肥美,薯蓉也渗著田螺香。*青柠雪葩,估唔到主菜前,食个冰凉的清新雪葩,会系咁醒神醒胃。法国人真识享受!我的主菜:香草柠檬焗加拿大海鲈鱼配蕃茄沙沙。因为要等
一行八人,有二人食$728二人餐,其余食$278四courses。
7:30 order好,等了35分钟才有野食。期间不停供应脆脆的法包。我地仲要等埋,多几度菜的二人餐既步伐,才上Appetizer、Soup、Main、Dessert …..zzzzzz。
*白酒煮蚬,哗!未食过咁重酒味的煮蚬,蒜味与白酒合二为一,白酒汤饮多几啖,有点醉意。在咁冻天气下,很暖身。蚬壳厚,唔等于肉厚,蚬肉仲有点腥!所以蚬反而变左配角。
烟三文鱼蟹肉牛油果卷,可能烟三文鱼本身咸,蟹肉又咸,三文鱼较瓦色,好似唔系好新鲜,整条卷,口感好似玩具「鬼口水」。
是日餐汤:南瓜姜忌廉汤,有试的人都异口同声说,好似食蕃薯糖水。又系噃!我爱姜味浓既野,但apply在足料南瓜汤度,真系有错觉唔系饮紧南瓜汤。
*法式煎鹅肝,同事说有脆面,略嫌熟左DD,不过都唔错。
*香草田螺,看来都几肥美,薯蓉也渗著田螺香。
*青柠雪葩,估唔到主菜前,食个冰凉的清新雪葩,会系咁醒神醒胃。法国人真识享受!
我的主菜:香草柠檬焗加拿大海鲈鱼配蕃茄沙沙。因为要等齐全枱人上,厨师煮好都要放埋一边,我的鱼已被放凉。鱼肉嚡口又无味,亦唔觉有咩蕃茄味。另一同事食既烟熏比目鱼扒,原来仲好食!两片鱼扒用烧汁煎得入味,感觉似雪鱼味!!伴吃的鲜果沙律更是开胃之选!!
又试左同事的谷饲肉眼扒,也出奇地juicy!
甜品:焗朱古力布甸配云尼拿雪糕,虽然流心度未有一倾而出,但无论布甸部份或朱古力浆,都是没怪味的香浓朱古力味。但系球云尼拿雪糕,未免水准太平凡了。
暖苹果甘保云尼拿雪糕,非常之不满!苹果切大粒,用糖水煮煮,上碟再洒上饼碎,咁就叫Apple Crumble!!!?超求其!唔好食!
*是二人套餐食物*
今个set我拣错左main course;拣错左甜品。但系人地o个D又好好食㖞!
以这个价钱、这个如堡垒格调的环境、食物质素,真系好抵食!
张贴
