影片
更多
2014-08-29
3477 浏览
讲到西班牙，小弟依啲波牛就净喺识西甲嘅皇马、巴塞、西维尔、马体会……等等，当然，仲有斗牛啦。早前曾从饮食杂志嘅介绍，知道依间原来喺全港首间巴塞隆拿咖啡店，跟西班牙销量第一嘅咖啡豆品牌Novell合作所开，虽然唔喺捧著咩朝圣心态，但总有一份好奇。餐厅位处厚福街H8食厦，占足2楼全层，地方宽敞。装修甚具特色，灰白墙砖、马赛克地砖、仿教教彩色玻璃、色彩鲜明嘅挂画、动物彩绘……等等，都展现独特个性 。店中大多数都喺2-6人枱，亦有少量单边个人位，而水吧采开放式，犹如酒吧吧位一样，一个人安坐叹吓咖啡都唔错。食物方面，既然喺巴塞隆拿咖啡店，咖啡自然喺亮点，加埋大热嘅西班牙轻食（Tapas）、亦有多款西班牙主菜菜式，不过，仲加插台式嘅花果茶、沙冰、咖啡，以及窝夫、多款甜品，显然唔喺独一卖「西班牙」味道，明攻后生一群，只喺以西班牙风作幌子 。我哋先嚟一系列饮品先，边谈边饮，边饮边等！ 泡沫咖啡 $36 五颜六色嘅咖啡杯，已令人睇得开朗，泡沫咖啡甚少拉花，但一样拉个心形，让饮嘅人都要时刻心情开朗。甘苦味平衡，入口醇香细滑，喺总结朋友嘅意见。果然，咖啡确喺出色之作 ！ 鲜奇异果汁茉莉绿茶
餐厅位处厚福街H8食厦，占足2楼全层，地方宽敞。装修甚具特色，灰白墙砖、马赛克地砖、仿教教彩色玻璃、色彩鲜明嘅挂画、动物彩绘……等等，都展现独特个性 。
店中大多数都喺2-6人枱，亦有少量单边个人位，而水吧采开放式，犹如酒吧吧位一样，一个人安坐叹吓咖啡都唔错。
食物方面，既然喺巴塞隆拿咖啡店，咖啡自然喺亮点，加埋大热嘅西班牙轻食（Tapas）、亦有多款西班牙主菜菜式，不过，仲加插台式嘅花果茶、沙冰、咖啡，以及窝夫、多款甜品，显然唔喺独一卖「西班牙」味道，明攻后生一群，只喺以西班牙风作幌子 。
我哋先嚟一系列饮品先，边谈边饮，边饮边等！泡沫咖啡 $36
五颜六色嘅咖啡杯，已令人睇得开朗，泡沫咖啡甚少拉花，但一样拉个心形，让饮嘅人都要时刻心情开朗。甘苦味平衡，入口醇香细滑，喺总结朋友嘅意见。果然，咖啡确喺出色之作 ！
鲜奇异果汁茉莉绿茶 $38 其实就喺以鲜奇异果汁加入茉莉绿茶，卖相麻麻，但味道都几夹，应该加咗少许糖浆，带有少少甜味，而绿茶中又渗有奇异果味，果味亦算浓郁。
鲜草莓汁茉莉绿茶 $38朋友觉得偏甜，可能糖浆落得重手咗，不过，依然草莓果味突出，茶香幽幽。
招牌水果茶 $42（热）/ $46（冻）以茉莉茶为底，杯内好多生果粒粒，不过，朋友话稍嫌果汁味重，有啲冚过茶味，而且，可能糖浆坠底搅唔匀，饮到尾变得颇甜。
草莓蜜桃沙冰 $42 好有阳光气色嘅草莓蜜桃沙冰，望见都透心凉，沙冰打得幼细绵滑，味道充满草莓及蜜桃香味。唯一问题，就喺溶得非常快！其实，作为饭后甜品都可以㖞。
几样食物，好快轮流上枱，喺时候开餐吧！黑松露酱薯条 $48
香口嘢一向甚受人欢迎，如果香脆嘅薯条加埋黑松露酱喺咪非常吸引呢？以沙律酱加黑松露酱所做成嘅酱汁，淋晌新鲜即炸嘅薯条上，黑松露嘅香味唔算好强，但不一会，足够通杀。
西班牙火腿菠菜奄列 $58 西班牙奄列成个大饼咁形，兼且体积相当大份，切开仲有蛋汁流出，口感仍保留少少嫩滑。其实要煎成咁嘅形状，底面都有薄薄蛋皮包住，实在唔喺易事，相当考功夫 。奄列内唔止有火腿、菠菜，且有薯仔、洋葱，非常丰富，亦甚饱肚，认真难以叫佢做轻食呀。
海鲜西班牙炒饭 $98 正式嘅西班牙炒饭（Paella）一向都喺大镬饭嚟，Espuma嘅海鲜西班牙炒饭就来得的骰精致，卖相抢眼。饭粒分明有嚼劲，满满茄香，微酸少辣，而海鲜料又好有睇头：虎虾、青口、墨鱼仔，交足货无欺场，用料质素亦不俗，虎虾肉质爽口，墨鱼仔柔韧好食 。
炸鱼柳配厚切薯条 $68 一小桶薯条加两大条炸鱼柳，只卖$68实在非常之抵食，难得嘅喺炸得金黄嘅鱼柳热辣辣，又甘香脆口，肉质亦唔差添，沾一点自家调制过嘅酱汁，的确滋味。
西班牙风味薄饼 $68好简单一道风味薄饼，馅料就只有浓香嘅鲜茄酱、微辣嘅西班牙辣香肠、绵绵丝丝嘅莫沙里拉芝士和少少香叶，唔花巧，纯味道嘅品尝，然而薄饼底质感较似厚身嘅饼干，还好咬落蛮脆身。
番茄蒜蓉香草虎虾 $88 晌电梯旁「黑板」就有手写每日嘅特别菜式，依道烤虎虾就喺其中之一，一客4件虎虾，烤香之后再加上蕃茄粒，并配以蒜蓉香草酱，个人觉得虎虾烧得啱啱好，有烧烤嘅香气，肉质爽弹，沾蒜蓉香草酱亦都惹味，不过蕃茄粒似乎发挥唔到咩作用 。
鲜茄刁草炖龙脷三文 $128 另一道「黑板」是日特别菜式，特别之处既用龙脷，又用三文，平时就一鱼两食，今次就两鱼一食。小弟几钟意佢个鲜茄刁草汁做得香浓鲜活，以慢火细炖，两款鱼柳都浸淫晌酱汁之中，龙脷入口嫩滑，三文则较挺身有油香 。
最后嘅甜品时段，同样精彩！香草玉桂菠萝窝夫配雪糕 $48 / half，$78 / full
店中嘅窝夫以水河滴造型，几别出心裁，窝夫烤得几松脆，蛋香都OK啦，上面淋咗好多香滑嘅吉士同玉桂菠萝蓉，啱晒小弟口味，清香甜蜜，而云呢拿雪糕球都变得次要了！
焦糖榛子浮岛 $52 白如雪嘅蛋白球，伴以云呢拿汁及焦糖榛子仁，卖相已经一流。蛋白球入口口感轻柔，如食棉花糖般，而酱汁轻盈少甜，榛子仁焦香香脆，几有趣嘅甜品，不过，定价觉得有点贵 。
伯爵茶焦糖炖蛋 $58 咪睇少个炖蛋平平无奇，真正有内函，面层焦糖做得既薄且脆，内里嘅炖蛋甚有伯爵茶香，非常突出，余韵悠长，入口亦都软软滑滑，颇具水准嘅法式滋味。
西班牙油条 $48 Churros依个西班牙甜点出晒名唔使再多作介绍，「油条」咬落柔韧香脆，轻轻一层沙糖，唔过甜，不过嫌玉桂味单薄，沾上香浓朱古力浆，几窝心嘅甜品。
最后「著数」一提，晌餐牌页有个推广活动 ：「Like Us & Post Picture」会送一客是日甜品，不妨用尽依个著数㖞 。
问店员店名Espuma何解？原来西班牙文解作「泡沫」之意，泡沫俾人有种捉唔实、轻飘飘嘅感觉。如果你一心打算嚟食西班牙菜可能会有少少捉唔实嘅失望，但作为一间咖啡店，佢又实在选择多多，让你轻飘飘有慢活嘅感觉。再次感谢友人邀请，出席是次试食活动！
题外话/补充资料：
文末已表明得友人邀请出席是次活动，只喺方便食友阅读此文作为资讯参考，暂未剔为「试食活动」，稍后将主动改为「试食活动」。
(以上食记乃用户个人意见 , 并不代表OpenRice之观点。)
张贴
