鬍鬚仔 (已結業)

朋友话青衣有间有heart嘅汉堡包小店，请咗啲后生仔女做店员，味道very good，我最钟意支持有heart小店，咁就专程入去青衣食汉堡包。由地铁站行去大约七、八分钟，小店喺街市里面，都唔太难揾。大约8pm去到，前边都有三、四个人客等紧。我叫咗「韩式泡菜牛堡」，即叫即做，大约等咗7分钟店员就递上热辣辣嘅汉堡包。行咗去商场揾张凳坐低，即刻开嚟食，仲热辣辣。汉堡包卖相唔错，非常饱满大件。牛肉汉堡扒好有份量，里面有碎洋葱，好香，美味可口。配料除咗番茄同生菜，当然仲有韩式泡菜，泡菜微辣好开胃，好Juicy。我擘到个口最大都唔可以一啖咬晒个汉堡包😅，要分开两层嚟食😆分量充足，食完好饱，颇为满足😁