波仔

营业中

休息中

平时返工如果要OT，返到屋企又无时间煮饭，我都会经过港铁站波仔买啲叮叮饭盒食吓，方便又快捷。 除咗有唔同叮叮饭、面之外，除有点心、饺子、pizza、糖水、沙律等等。 花生酱西多士系佢哋嘅新出品，西多士松软，花生酱份量都算多，仲会配埋 一包糖浆。可以用微波炉、焗炉或者气炸锅加热返就可以食喇，非常之方便。 水晶虾饺有六粒，每件都大大粒，而且亦有好大只虾，虾肉都算几爽口弹牙。 咖哩牛腩饭： 个咖哩汁都几香浓，送饭一流，牛腩亦都够稔够入味。 日式咖哩猪扒饭：猪扒切成细细块，方便进食，咖喱汁都算多，送饭perfect。 梅菜扣肉饭：梅菜扣肉都系一个几花功夫嘅菜式，宜家叮叮饭都可以食到啦，扣肉肥瘦均匀，非常稔滑且入味，配合大量梅菜，非常美味。