珍意泰國菜館 (已結業)

黎左几次东大街都食佢，今晚黎试试。开胃菜之选：比起平时出面食份量多好好，食极都仲有。平时只会夹哂啲凤爪净番之配菜。连埋红萝白同洋葱一齐食有另一重风味。呢个辣度十足，只有少许甜味同酸味。凤爪胜在够冻，好耐之前喺第二间试过暖嘅（阴影面积极大）蒜蓉包松脆，系即叫即造。咖哩软壳蟹。望落一啲蟹嘅踪影都见唔到，失望左一阵，食下食下，发现有至少两只软壳蟹，好似食左好多咁。重点你只软壳蟹好厚肉，所以更加满足。咖哩唔系辣个种，系带甜嘅，所以唔食得辣嘅绝对要试一试。正正因为佢嘅甜，令蒜蓉包同佢非常夹，直情当酱咁搽上去食，好好味。食咁多间泰国菜从未叫过咸肉炒菜类，今次就试炒椰菜苗。椰菜苗系新鲜嘅，如果再嫩啲就更好。至于咸肉可能食唔惯，唔知正宗嘅咸肉系咪都比较硬同柴，不过放入口仍带油香，最后只可以遗弃。值得一提嘅系店员好有活力同笑容（戴住口罩都感受到）。每次上菜都会令人觉得好开心。好似上菜个时，先上蒜蓉包再上咖喱软壳蟹个阵会话咖喱到左啦，呢个配蒜蓉包好味架（当时舖好多人，出面仲有客等紧位）！落单个阵亦无hard sell。仲要无加一。