影片
更多
2017-10-07
2037 浏览
元朗泰菜餐厅数量可不少，其中一间位于青山公路，元朗广场对面的泰厅，邻近轻铁站，位置都几就脚方便。铺面长方形，唔算好大，但装修明亮干净，似家庭式经营。食物种类选择多，价钱经济实惠，开饭时间有唔少街坊黎食饭。泰国小食拼盘 细拼盘有炸虾饼、炸鱼饼、香叶包鸡、泰式素春卷同串烧2串，仲跟有三碟甜酸辣酱可以点下。炸虾饼，表面炸得香脆，加入猪肉打成的虾饼，更增加香口感。炸鱼饼，用鲮鱼肉炸成，有点中式味道，加左香茅落去，中泰风味混合更加惹味。香叶包鸡，用香叶包住鸡肉黎炸，香口又唔会过㶶，香茅味仲好突出。泰式素春卷，炸得香口松脆，入面系粉丝馅，唔油腻。串烧，一牛一鸡，肉本身已腌过，加上淋左咖喱汁已经惹味，点上沙爹酱食更加丰富滋味。泰式炒金边粉辣酱系另上，可以因应自己食到几辣而落，唧埋青柠汁，酸酸香香更加开胃。用蛋网包住炒好既金边粉，卖相已经拧晒分！金边粉带点点湿润，炒得均匀又唔干身，条条都上晒色好入味。加埋豆腐干、芽菜、细粒虾干仔、花生碎等，口感更加有层次。平日有晚市套餐提供，选择都好多，拣左其中一款海南鸡饭 去骨鸡肉嫩滑，又唔算太肥，不过就有小小雪藏味，点埋泰式酱汁又另一番风味。油饭份量多，粒粒分明，
铺面长方形，唔算好大，但装修明亮干净，似家庭式经营。食物种类选择多，价钱经济实惠，开饭时间有唔少街坊黎食饭。
泰国小食拼盘 细
拼盘有炸虾饼、炸鱼饼、香叶包鸡、泰式素春卷同串烧2串，仲跟有三碟甜酸辣酱可以点下。
炸虾饼，表面炸得香脆，加入猪肉打成的虾饼，更增加香口感。
炸鱼饼，用鲮鱼肉炸成，有点中式味道，加左香茅落去，中泰风味混合更加惹味。
香叶包鸡，用香叶包住鸡肉黎炸，香口又唔会过㶶，香茅味仲好突出。
泰式素春卷，炸得香口松脆，入面系粉丝馅，唔油腻。
串烧，一牛一鸡，肉本身已腌过，加上淋左咖喱汁已经惹味，点上沙爹酱食更加丰富滋味。
泰式炒金边粉
辣酱系另上，可以因应自己食到几辣而落，唧埋青柠汁，酸酸香香更加开胃。
用蛋网包住炒好既金边粉，卖相已经拧晒分！
金边粉带点点湿润，炒得均匀又唔干身，条条都上晒色好入味。加埋豆腐干、芽菜、细粒虾干仔、花生碎等，口感更加有层次。
平日有晚市套餐提供，选择都好多，拣左其中一款海南鸡饭
去骨鸡肉嫩滑，又唔算太肥，不过就有小小雪藏味，点埋泰式酱汁又另一番风味。油饭份量多，粒粒分明，加左泰国香料落去都好香口下。
芒果沙冰
晚餐加$10就有杯。沙冰加左鲜芒果肉落去，有芒果香，又有芒果肉食下，口感都几稠身而且甜度适中，食完浓味𩠌又可以解渴。
张贴
