冬蔭公公 (已結業)

今日黎开沙田呢边做野，忙到午餐都冇时间食，搞到要食下午茶。所以我就去左citylink1既冬荫公公度食。虽然话系下午茶，但系都坐满左唔少人。睇完餐牌，我地就叫左一个公公拼盘 (HKD 148) 配芒果乳酸 (加HKD 10)，马来酥炸软壳蟹 (HKD 54)同油松饼 (HKD 24)。而甜品就要左个马来脆雪山 (HKD 42)。个拼盘有好多食物泰式春卷，猪颈肉，酸辣凤爪，沙爹串烧虾(2支)，沙爹串烧鸡(2支)。佢有泰式甜酸酱，沙爹酱同烧猪颈肉酱。分量一啲都唔细，个春卷好脆口，个猪颈肉肉质好鲜嫩，而个凤爪略带酸甜同好开胃。而个沙爹鸡同虾都味道唔错。我个人记就比较喜欢佢既沙爹酱同猪颈肉。佢个炸软壳蟹系一只黎既，好大只好好肉，味道好好，仲可以食到蟹膏添。佢系跟甜酸酱既。 至于个油松饼，唔油腻，味道好似啲印度薄饼咁。我用左佢包住软壳蟹同埋啲春卷食，成件事好fusion。至于佢个雪山，系成座山咁高。好脆个皮，内面系啲炼奶加花生酱咁，味道好好。至于佢个乳酸就系芒果加益力多咁，味道唔错，解渴得黎又健康。