泰色食 (已結業)

母親大人今日唔煮飯，兩個人落街揾飯食。泰色食開左一段時間，街坊嘅我地點會唔走泥試下？午餐set有泰式同台式選擇，一人叫一款試下先。我㨂海南雞飯，另送椰子雞腳湯。先講海南雞，雞肉好滑唔黏牙，仲好有雞味。飯質感啱啱好又唔會太硬或太濕。值得一提就係三色醬，點任何一隻味你都會覺得好食，好有層次感。母親大人就揀台灣太婆牛肉面。嘩！牛肉牛筋份量唔少，媽媽本身以為唔夠食，但食完成碗係超飽囉。牛肉好入味又唔un，湯底又夠香👍🏻呢餐盛惠$134抵呀！