摩登堂 (荃灣廣場)

营业中

休息中

荃湾广场又开左新餐厅，就系通去aeon个条天桥个位，餐厅以泰国渡假风为主题，装修以木系风格及草系装饰为主，令人感觉放松，就好似去左渡假一样，餐厅都几大，门口仲有外卖饮品既专柜。摩天轮小食拼盘见到每台都叫左个摩天轮，好吸引，摩天轮里面有5款小食，共15件，分别系咖喱角、榴梿酥球、班兰包鸡、米网虾春卷同香矛鸡中翼，因为我地唔食榴梿，店员帮我地转其他，米网虾春卷好松脆、班兰包鸡既鸡肉嫩滑，好香班兰味、咖喱角炸到脆卜卜。炭烧牛肉串烧呢个串烧烧得好香，配埋酸酸甜甜既酱汁，食落好开胃。黄咖喱脆皮软壳蟹配蒜蓉包 (2件)呢个黄咖喱带少少辣，咖喱味香浓，软壳蟹已经充满咖喱汁，好入味，另外仲可以加$28有2件蒜蓉包，蒜蓉包配咖喔汁又系绝配。鲜菠萝百香果绿研茶绿茶味够香，有浓浓菠萝同百香果味，但又唔会太甜。