倪姐泰國美食 (已結業)

今日尊诚去九龙城食泰国菜，一转入侯王道，就见到有咪表位，即刻拍低架车。周围都系泰国菜馆，花多眼乱，不过偶遇个朋友，佢介绍咗我哋去一间新开嘅泰国菜馆，原来就系侯王道。佢话食过几次好正，所以佢负责点菜， 叫咗个柚子沙律、肉碎生菜包、糯米酿鸡翼、 炸虾饼、海南鸡… 佢话早啲嚟仲可以食盐烧鱼。夏天食柚子沙律，特别美美。柚子多汁又新鲜配上青木瓜， 甜甜酸酸少少辣做前菜几好。再嚟一份香草碎肉生菜包，炒得香喷喷热辣辣嘅碎肉，同新鲜嘅生菜包住一齐食，特别滋味。糯米酿鸡翼做紧特价，所以叫咗两只试下。 不得了，泰式味道返晒嚟。佢用咗泰国嘅特别香料捞埋啲糯米饭，再酿入鸡翼度。 有泰国风味，我相信如果钟意食泰国菜嘅朋友都会钟意食。海南鸡一定要试，好新鲜，有食新鲜鸡嘅感觉 ; 又滑又香，唔会太肥。最重要提一提大家，一定要点这个鸡汁，有曼谷水门街鸡饭汁嘅味道。虾饼都要食，新鲜弹牙。今次朋友介绍真系唔错可以再嚟。