Chor Bazare Indian Cuisine

营业中

休息中

大坑出名多嘢食，小编JP不时都会嚟呢区揾好嘢食。今日就喺新村街见到呢间主打印度菜同泰国菜嘅餐厅：Chor Bazare Indian Cuisine。但将泰国菜同印度菜放埋一齐，得唔得㗎？原来近期餐厅重新设计餐牌，将泰国菜融入印度菜，为味蕾带嚟新鲜感觉，食过嘅朋友都大赞，口碑唔错啊！酸辣椰奶鸡汤配泰式炸鱼饼本身以为酸辣椰奶鸡汤同冬荫功汤无乜分别，最多都系配主角由虾换上鸡。但原来餐厅用咗唔少香料调味，酸辣比例啱啱好，加上浓浓嘅椰香味，味道好有层次。至于泰式炸鱼饼即叫即炸，非常香口。泰式虾河粉同样地，泰式虾河粉嘅甜酸比例好balance，炒嘅时间控制得好好，唔会有油腻感，而且充满镬气，河粉亦唔会炒碎晒，钟意食泰式炒河嘅朋友一定要试吓。牛油鸡咖哩印度嘅咖喱用咗唔少香料，味道非常强烈，所以牛油鸡咖喱绝对系入门级嘅印度菜。牛油鸡咖哩个名虽然有牛油两个字，但其实佢用咗蕃茄作酱汁嘅主调，所以味道上系酸酸辣辣甜甜，味道充满层次。店员建议我哋配上印度薄饼，因为厚身嘅薄饼可以蘸到更多咖喱汁，令味道double up。而鸡系用上印度烤鸡，入口嫩滑，配上咖哩酱汁真系胃口大增。