Krua Walaiphan (已搬遷) 新店位置

喺social media见到有人推荐，啲相好似几好食，就入去试吓。平日夜晚去，大约7点到，walk in有位，但最好book咗先，因为夜啲都坐满8成枱。生菜包有猪同鸡拣，我拣咗猪，啲菜好新鲜，不过个肉就好酸，唔辣，冇乜香味，唔系平时食开𠮶啲，个人唔系唔钟意。咖哩软壳蟹，2只蟹大大只摆喺上面，卖相几靓仔，下面个底有生菜，配菜有波椒，其实个咖哩汁得好少，好食嘅。呢个系佢哋出名嘅串烧，见到食评好多人都话正。串烧可以猪鸡mix，每款各3串，嚟到真系好大串！个鸡超好食，个味啱啱好，外面烧到香，入面仲系好juicy。个猪有啲似叉烧，偏咸。糯米饭冇咩特别，但香港泰国舖都好少见到有得叫，泰国北部餐牌就会有。4片细细块，口感烟靭，好食。