Nara Thai Cuisine (新城市廣場一期)

营业中

休息中

喺曼谷被选为「最佳泰国食府」嘅Nara Thai Cusine嚟到香港之后评论一直都好坏参半，lunch hour喺新城市见到有lunch set，仲要唔太贵，就谂住去试下。同友人分别嗌咗「泰式卤水猪手配白饭」同埋 「黄咖哩猪肉配白饭」两个set，反转menu见有得优惠加配小食，就口痕痕叫埋「香脆虾饼」、「黄姜沙嗲串（鸡）」同埋「冬荫公」。个环境都几好，有少少泰国渡假屋feel，上菜速度尚可。两个set望落份量十足，基本上同友人都食唔哂，小食份量比想像中多。整体菜色口味偏甜，不过口味就因人而异，我都不作多评论。卤水猪手比较推荐，都几嫩滑。虾饼两大件都算弹牙，冬荫公虽然拣咗少辣，但饮落都系唔辣😂，鸡肉串就普普通通，当小食都可以嘅。整体来说，味道算不过不失，价钱比起晚餐嚟讲相宜，不过偏甜嘅口味就真系睇个人取向。