泰排檔

营业中

休息中

今日老公带左去佐敦食正宗泰国菜，大厨系米芝莲泰菜samsan出身，而食材9成都来自泰国，每道菜味道充满泰国街头风味，好地道。餐牌价钱亦好贴地，唔怪得排晒长龙啦。老板帮我哋落单，佢系泰国人，风趣幽默，亲切，感觉好开心。餐厅生意非常好，有d款式都已经卖晒。最后我哋就叫左烧烤、蔬菜及汤面各一，两款主食，另外两款饮品。烧猪颈肉：猪颈肉好腍，炭烧味浓，香口，唔会觉得太肥太腻，点埋旁边泰式酱，甜甜酸酸，几好食。和牛船面：有和牛、牛丸、通菜同炸猪皮，配金边粉，牛丸弹牙，汤底超浓，所有材料吸晒d汤嘅精华，好好食。飞天通菜：炒得够绿，够镬气，咸咸香香，甜甜地，辣度十足，越食越辣，好惹味。香辣金不换炒和牛：有两只太阳蛋，和牛切成细细粒，牛味浓，多汁带甜，好够味。啖啖蟹肉奄列：刚炸起，热辣辣。外层薄薄粉浆煎得几香，睇到又食到啖啖蟹肉丝，有鲜味，奄列蛋味香，点埋泰式甜辣酱就更滋味。饮品：青柠梳打及椰青够冻，椰青够青甜，两款都系消暑之选。