泰廚房子 (德福廣場1期)

营业中

休息中

系德福睇完戏，就系个到揾餐厅食。系平台见到呢间泰国餐厅，都几多人食，就试下啦。星期五晚dinner time都几多人，都环等一阵先入得，唔知有冇得book枱呢。餐厅有少量楼面应该系泰国人，不过都识讲广东话。之后知道原来系泰裔主厨管理，难怪食落味道好地度，同系泰国食味道好接近。食泰国菜必叫冬阴公汤，一饮就知间泰国餐厅正唔正宗。呢到个汤甜酸比例适中，味道浓郁，但系建议要搞一搞，因为头几淡我觉得淡左小小，搞完就好好味喇。小都已经够4个人饮，份量几好。第二样必食就系通菜，可能系泰国口味，泰式通菜有d太辣，不过系开胃，刺激口水分泌。沙嗲串烧都好好食，我地叫左牛鸡双并，各三串。鸡肉串好食，肉嫩，加埋个沙嗲酱好野味。牛串就有几粒有筋，冇筋个d都好易咬，唔硬。本身想叫个杂锦拼盘，有晒咁多样小食，不过冇晒，咁取舍之下就叫左炸虾饼。虽然得四件，不过真系好食。应该系虾滑打成，好弹牙。另外主食仲叫多左个青咖哩鸡同埋猪手饭，猪手饭跟埋冬瓜汤，抵食之选。本身想试埋佢个椰汁木薯，朋友话好少餐厅有，不过太饱冇叫到，下次再黎先试啦唯有。