篤篤車 (已結業)

放工约左朋友出去旺角行街，行到咁上下就饿到打哂鼓🙈 不过大家都知系旺角太多野食可以拣，花多眼乱，都唔知食咩好！不过好在朋友提议去女人街揾食，最后就入左今次食既呢间泰式车仔面餐厅喇😯店舖唔大，但胜在上菜够快。落完单后5分钟后就上菜了，我地叫左两个套餐，一个泡饭，另一个面。先讲泡饭，套餐拣左3𩠌泡饭，拣左芝士丸、札肉同埋墨鱼丸，汤底要左鳄鱼汤。上菜嘅时候已经闻到好香既药材味，好岩我呢啲要养生既人🙈另外套餐包左小食同菜，我就要左鸡翼同马拉盏炒芥兰，鸡翼外脆内软，两个小食既份量都好多，绝对岩哂大胃王来挑战。另一个车仔面拣左猪大肠、猪红同埋咖哩鱼蛋配埋冬阴公汤底，面底要左河粉。咖哩鱼蛋系陈皮鱼蛋，绝对要加分😍冬阴公汤好浓，好饮到好似去左泰国咁呀。小食要左炸春卷同埋腐乳炒生菜。