小曼谷海鮮燒烤屋

营业中

休息中

食泰国野点可以唔去九龙城呢，今次系九龙城就试左有几间分店咁犀利既小曼谷。装修主打黄木色，有好warm既感觉。餐具印有佢地个名，而且外形系一只大象，几得意。先来一客菜，健康一下先。铁板果然够热辣辣，上台时仲出紧烟。椰菜苗绿油油，但唔系因为多油，系本身菜苗够新鲜够靓，爽口。猪颈肉煎得岩岩好，够香口，有小小脆口感，赞呀。食泰国菜点少得冬荫公汤，新鲜热辣，材料又十足，有几只大大只虾，入口阵阵香茅味，最重要系佢既酸味同辣味岩岩好，唔会好似出面食咁太酸。大大一盘既海鲜，睇见都流口水。海鲜有大头虾，青口同蚬。泰皇咖喱汁不太辣带甜味，好易入口，送饭真系绝配。咖喱汁用左练奶，椰汁和蛋煮成，所以特别香浓，食完又唔会话好济。卖相虽然冇话整得好靓，但系食落真系无得顶。虽然话系烧既鸡肉，但系一d都唔鞋，反而仲滑滑地，相信系新鲜鸡先可以做到呢个效来。烧鸡既皮脆口，鸡肉够滑真系口感一流。鸡肉除左够滑外，带有腌料既惹味，真系唔错。埋单时仲有甜品送，椰汁西米露既椰汁味道香浓，千层糕弹牙外带点烟韧。呢个好味既甜品为整顿泰国菜划上完美既句号。