Sawadee Chef

营业中

休息中

实在太耐无出国喇，好在喺香港容易食到唔同国家嘅菜式，香港人钟意食泰国菜，因为五味俱全亦都充满特色，今次就去咗奥海城新开嘅Sawadee Chef试吓。【牛肋条】啱啱烧出嚟，上枱仲见到肉汁渗紧出嚟，咬落去劲juicy，而且肉质软腍肉味丰富，绝对系靓牛嚟。【松板肉】烧嘅火喉啱啱好，唔会太干身，蘸少少泰式辣酱酸酸辣辣，刺激味蕾，食完一块停唔到口～【盐焗罗非鱼】上枱时成条鱼系被盐包住晒，店员先将盐层敲碎，再剪开牛油纸就见到条鱼啦。鱼嘅外皮铺咗啲姜片，加上放入鱼身嘅香茅，除咗起到辟腥嘅作用亦令味道更加泰式；想试唔同口味可以蘸泰式青酱，辣辣哋但唔会掩盖鲜味。【虎虾炒金边粉】金边粉被金黄色嘅网状蛋包包住，上面系两只粉嫩虎虾，旁边就有花生碎、辣粉同青檬。摆碟咁有心思，相机当然要食先～虎虾爽弹鲜美，金边粉炒得有风味，加少少辣粉同花生碎更惹味更有口感。【芒果糯米饭】泰式甜品必食之选，芒果肉新鲜香甜，糯米饭口感软糯。食完满满幸福感觉，好满足呀！加埋两杯冰冻饮品，好chill呀！餐厅嘅泰式装潢好有高级感，加上落地玻璃采光十足，而咁啱出面有几棵貎似椰树嘅棕榈树，望出去椰林树影咁，好似去咗泰国一样～令人非常惬意。