泰然 (長發廣場)

营业中

休息中

长发开左间新餐厅，今晚同爸爸去试下。呢间餐厅都开左一排，次次行经都见好多人等位。所以今晚特登收早少少去帮衬下。由于时间尚早，平日晚既六点几，食客未算好多，所以唔洗等位就可入座了。餐厅入面座位数目好多，好多卡座，坐得舒适而且又光猛舒服，唔错。睇完餐牌见好多泰国野都有得食，而且价钱相宜，难怪成日都人头涌涌啦，因为当我地食到七点几既时间，已经爆满了。今次食完都明白点解咁多人帮衬了。我同爸爸由于得两个人，所以冇叫太多野食，免得浪费。我们点了一份焗黄咖哩面包软壳蟹。呢款菜式好吸引，香气扑鼻。黄咖哩劲香，香而不辣，好惹味。个卖相都好正，整个面包砖，上面放了一只软壳蟹，而且仲淋满了咖哩汁，好吸引。先讲一讲个面包，面包份量都不少，成砖面包架，所以好饱肚。面包经过烤焗外脆内软，好好味，仲淋满了咖哩汁，好惹味，因为面包吸满了汁，真系超好味。软壳蟹脆脆的又有肉，味道咖错，我地都好钟意。不过最爱系个咖哩汁配都面包，好吸引好好味。另外仲点了一盘小食拼盘大份量，包括有鱼饼、虾饼、串烧、香叶鸡、春卷⋯⋯⋯全部都系经典既泰式小食，好惹味。味道唔错，份量又好够，好吸引好抵食。正。下次来再食下其他款式。