孖女廚房泰好味

营业中

休息中

近期睇紧人气烹饪节目，韩国嘅美食真系睇到我哋舔舔脷！但如果节目喺泰国搞，你又会谂起咩菜式呢？由前酒店主厨主理嘅孖女厨房泰好味，就以地道泰菜为卖点，而餐厅选址长沙湾，价钱够晒亲民抵食！泰式辣椒膏炒鱿鱼千祈唔好俾泰式辣椒膏呢个名吓亲，泰式辣椒膏味道唔算太辣，仲略带微甜，加上洋葱同青椒嘅味道加持，令酱汁层次大大提升。重点当然系新鲜嘅鱿鱼，口感够晒弹牙又入味。冬阴功海鲜汤呢个细size嘅冬阴功，份量十足，两至三个人食都会好满足！冬阴功味道浓郁，酸酸辣辣嘅比例啱啱好，大虾新鲜弹牙，亦为汤底加添鲜甜味！泰式烧鸡烧鸡外脆内嫩，火候时间拿捏得非常好，外皮烧到脆卜卜微焦，但肉质仍保持得够juicy，可见师傅烧烤功夫了得。食嘅时候加上泰式甜酸酱或者辣椒豉油，大大提升味道嘅层次！