泰星匯泰國菜

营业中

休息中

平时去开葵广都系扫街，但今日想揾一间餐厅坐低食，所以就行出左葵广，揾到呢间餐厅。我地入去餐厅既时候都未有好多人，但愈食就愈多人，系坐满晒成间餐厅添！！呢个柚子沙律真系要赞一赞，首先佢真系好足料，除左有大量柚子之外，餐厅仲加入左D腰果、虾米、洋葱，腰果同虾米令到呢个沙律多左口感，配埋个酸酸地既泰式汁，好醒胃！呢个泰式炒通菜，因为妈咪唔食得辣，所以叫左佢走辣，最欣赏佢唔会太咸太重口味，虽然话泰国野系会重口味D，但始终蔬菜都想清淡少少，所以呢道菜岩晒我地心意呢个芒果蟹肉炒饭碟头都几大，佢唔会用好多油去炒，而且芒果同蟹肉既数量都非常之多，令到呢碟饭食落好fresh，有惊喜！至于呢个盐烧鲗鱼，以呢条鱼既size，系出面真系食唔到呢个价钱，抵食条鱼烧得非常之香，因为系盐烧，所以肉身带点咸味，点埋个泰式酱汁，酸得黎又有少少辣，好有泰国菜既味道整体黎讲呢间餐厅既性价比都几高，价钱合理，份量够大，味道唔错！