小火山 (已結業)

开咗关好多人都去咗泰国玩，而我仲未去到泰国🥲。睇youtuber都有介绍过泰国mookata，系烧肉同打边炉嘅混合体，劲想试，估唔到香港到有了！😍新开嘅小火山系铜锣湾，地点方便，环境都几大几靓，有泰国丛林风🤣最重要系有冷气，唔会好似泰国咁热打边炉🤣🤣一坐底店员就介绍有3个step，分别系拣肉，拣汤同拣汁。肉可以全猪、全牛同半牛半猪，我地拣咗半牛半猪。而汤我地拣咗牛骨同椰子鸡😍啲汁其实全部比哂我地，不过就要小心有啲辣啲，有啲偏甜，啱晒唔同口味嘅人。三味刺身一口杯好refreshing，三文鱼、生虾、同生蚝都好新鲜大旧，加埋甜酸辣汁，好开胃架😍泰式虾片配冬荫蛋黄酱虾片唔肥我真系可以无限食，呢度竟然加埋邪恶嘅冬荫蛋黄酱🥶 甜多过辣味，食到停唔到口🥲🥲安格斯牛肉猪肉拼盘、黑毛猪梅花肉、北海道新千岁豚肉眼、泰式猪梅花肉片同打边炉必落嘅金边粉！猪肉牛肉整体质素都几好，唔会好有雪味，肥瘦适中，食落唔鞋，对得住个价钱。肉类可以拣烧或者打边炉，我哋钟意香口，大部份都拎咗嚟烧，啲油花仲会沿着炉边流落去打边炉个汤😝 个汤好正，又吸收哂日月精华🤣🤣 椰子鸡汤甜甜地，都好重椰子味，而牛骨汤就浓味，配金边粉一流😍