泰廳 (已搬遷) 新店位置

一路都听说元朗好多出色嘅餐厅，当中一定包括泰国菜，呢一间我印象中开咗好耐，好多年前帮衬过，呢日经过见到，虽然唔知有冇易手，不过都入去怀缅一下！首先食泰国嘢当然要拣生虾刺身，虾肉好厚又鲜甜！旁边嘅酱料冇预期咁辣！食落很对办！我哋主菜要咗个咖喱软壳蟹！咖喱做得十分出色！不会太辣，劲香又有蛋香味，浓淡刚刚好！中间仲有唔少洋葱，十分之开胃！软壳蟹炸得好脆身香口！呢一味𩠌要来送饭简直一流！食泰国咖喱又点可以少咗蒜蓉包？呢度嘅蒜蓉包烘得外脆内软，蒜香味十足！将蒜蓉包点上㗎喱简直系人间美食！我哋再叫多一个马拉盏炒通菜，份量比想像中大，不会太辣而且通菜好入味，实在香口，一啖一啖不知不觉食咗好多！呢度嘅椰青亦都比出面嘅清甜，好值得一试！呢度地点方便就响轻铁站旁边，而且价钱一d都唔贵！真的不枉此行。