泰嘟嘟

营业中

休息中

𠮶日同朋友讲起原来大角咀好多嘢，为食嘅我梗系要到大角咀大个圈啦其实想食泰菜好耐，我哋兜兜转转揾到一间叫泰嘟嘟既泰菜，咁啱有位咁就入去试吓啦喺大角咀嚟讲，呢间嘢价钱唔算贵，仲有二人餐，其实个餐几抵食，不过我哋又想乜都试吓，所以冇嗌到二人餐，选择散叫食泰菜点可以唔叫冬荫公呢！ 呢个冬阴功好足料，有大头虾、青口、鱿鱼等等而且一路有火煲住个汤，所以keep住热烫烫，一路住饮真系几好饮，同埋唔会太辣，香料味好突出飞天通菜😙炒得好靓，啲菜好嫩唔老，个汁又系好惹味辣椒膏炒蚬一上枱浸辣椒膏味已经飘入我个鼻，啲配料份量多亦都好多种类，有洋葱、青椒、红椒等等，平时食呢啲蚬多数会比酱汁啃咗本身海鲜嘅味道，但系呢个蚬本身个海鲜味好出，辣椒膏反而更加带得出佢嘅鲜味，所以高度推荐半打串烧，分别三串鸡三串牛，比我震惊到嘅系佢嘅份量，开头以为系好细吋，点知上到嚟串串都咁饱满，同埋好推荐个沙嗲酱啊，好香好多花生粒😍😍😍嘢饮方便佢有一系列嘅芝士沙冰，我就嗌咗芒果沙冰，奶盖唔算好浓芝士味，但系mix埋芒果沙冰就刚刚好我哋食到8:00已经好多人喺出边等枱，睇嚟下次食要book定枱先！