Boat Thai

营业中

休息中

半只海南鸡❤ 鸡肉鲜嫩多汁，就算系鸡胸位都好嫩滑可口，黎到仲有D温度，鸡皮较厚，油脂香味浓，配上佢地既酱油同辣椒酱，每味道更加丰富。而且，会跟一碗萝卜清汤，好鲜甜。2个人食都觉得份量好满足，如果个肚有位，跟埋碗饭食仲正!泰式海鲜菠萝炒饭❤ 菠萝粒香甜脆口，饭粒粒粒分明，色泽黄金，多款海鲜配料有肉松 腰果 虾 青口 鱿鱼等炒埋一碟，够哂丰富。同埋，最紧要系就算系商场铺，都好有镬气!泰式烧鲜鱿鱼❤ 鱿鱼口感鲜嫩一D都唔干唔嚡口，配埋佢地个泰式酸辣汁，非常醒胃，越食越滋味，鱿鱼鲜味更加突出。泰式街头椰子粟米雪糕❤ 椰子雪糕软滑香甜，淡淡椰香味浓，面层有椰子肉条、香脆可口既花生碎 同 清甜粟米粒，口感丰富。