泰金國 (已搬遷) 新店位置

把握好假期既最后一晚，约三五好友一起食好西。fd话想要食到地道既泰国菜当然系要去到素有小泰国之称既九龙城。泰金国，听讲老板娘系泰国人。咁实要试下正宗泰国人整既泰国菜啦。生虾刺身一上台就知道佢好新鲜，虾身开边，再系上边摆上碎冰，保持佢既口感。将虾从碎冰下夹出黎，再加上生蒜头片以及小米椒系最正宗既泰国食法，佢仲配左一兜独家制既酸辣酱，正是这道菜既点睛之笔。喜欢多重滋味既你一定会中意。一啖落去，冰冰凉既生虾非常Q弹，酸中带辣真系好刺激。店家仲好贴心咁将虾头都炸埋。又系另一番滋味。炸鲫鱼。见个样就知份量十足。原来入边除左有炸鲫鱼块，仲有青芒果丝，青木瓜丝，花生粒，香茅等香料捞埋一齐。香口得黎又唔会令你觉得腻。老板娘话仲正宗既食法系好似肉碎生菜包咁包住食，试左果然系咁，比肉碎生菜包既口感更加丰富。大大只既烧鸡全翼，一上台斋闻到阵味就知道好好食，鸡翼本身已经腌制过，好够味，在面头搽上一浸蜜糖，更加野味。真系同泰国当地食既有得拼，会再黎。