1988 (已結業)

好友每年都去泰国三、四次，疫症期间当然冇得郁啦，所以佢约我嚟呢间「工厂大厦稳世泰国食店」，佢仲话一定要早几日book, 餐厅细细间，如果冇book去到，就只能讲byebye😅。我哋点咗：小食拼盘有虾饼，鱼饼，春巻，鸡枣；炸得香口，每件都大大件，几抵食。咁多香口美食，当然要每人点杯「青柠梳打」清清热气，青柠很新鲜，甜度适中，清新解渴。泰式烧猪颈肉呢个系招牌菜，边缘位置微微烧焦，有阵阵炭烧香，肉质好juice，配以泰式酸辣酱，好惹味。蒜蓉包一层厚厚嘅牛油蒜蓉，又香又脆，好快就俾我哋两个食晒😊。黄咖哩牛腩就有啲失望，咖哩汁几香浓好味，不过牛腩唔知点解冇味道😅。