生生。泰港知味 (已結業)

第一次见几位新朋友，当然想印象分好少少，加上大家都喜爱食泰国野，所以去左间地点都方便，价钱又经济既泰国餐馆。地点位于湾仔，系正胡忠大厦对面。路痴都识去～去左目的地就见到一间黑色既餐厅。呢间就系今日我地要食好野既地方啦！坐底一阵已经有位侍应哥哥备好茶水，招呼相当细心。都有略略介绍今晚有咩好食既野，唔洗我地大费周章去谂食咩。商量左一阵，最终出炉内今晚既晚餐有以下呢几款～－海鲜套餐泰知味特色冬荫公汤配大头虾　汤头唔算太辣，偏向酸味，怕辣又想试既朋友不妨一试。配料足够，有洋葱，白菌。唔太油腻～饮到少少青柠味。几醒胃！仲食到一只开边完整连壳既大头虾！虾肉新鲜弹牙二人分享岩岩好，唔错！泰知味香茅烧海鱼　呈上时候乌头以一个圆碟底下有放好一块蕉叶，其好处就算鱼肉放凉都唔会痴住只碟，做法细心。乌头已去皮，以烧方法烹饪，但鱼肉唔会太干，恰到好处。食落口无腥味，证明烹饪前有处理好内脏，唔会食到苦涩味。鱼骨原条取出都唔会痴肉，咁样食大大旧肉都冇问题～由于鱼肉新鲜，再加少许盐，香茅去烧，味道简单而足够，不必外加酱汁蘸点品尝。泰式素菜春卷　摆盘精致，闻上去带有油炸香味。春卷表面唔油，咬落带松脆感。馅料有萝卜，木耳