新泰東南亞餐廳 (已結業)

好耐冇见过班中同，今日特登约佢地系湾仔食，见呢间几多好评就拣咗呢间东南亚餐厅（都算系我地嘅回忆黎嘅！）餐厅系2楼，一上黎就好似去咗传统泰国地方咁，好有泰国特色！啲侍应都著晒泰国服饰，（仲有靓仔小鲜肉睇🤤🤤）好多客人，好热闹。 有啲位仲系类似「帐篷」嘅设计，好有feel!我地就坐咗系靠窗嘅位，有得睇路景Menu上有好多选择，我地都搞咗一大轮，先决定到嗌啲咩⋯⋯东南亚餐厅，我一定会嗌椰青水我觉得好fresh，而且都几大个，唔洗就住就住饮。木瓜沙律好新鲜，又唔会太辣，啱我口味，我好钟意食木瓜沙律，所以可以大兜啲就好啦蜜汁肋骨好香，又够热，好入味得黎又有肉汁，唔会好干。个汁除咗辣，加咗柠檬汁叶，所以酸酸地之余仲有阵阵柠檬香。整体味道温和（少数偏甜），如果唔钟意太辣嘅人都系一个好好嘅选择。