金寶泰國菜館

营业中

休息中

路过九龙城点可以唔食泰国嘢，今次试咗🌸金宝泰国菜馆🌸。佢隔离有另一间金宝越南餐厅，可以一次过食到泰国野同埋越南野。食泰国嘢就先一定要嗌啲泰式饮品，我哋两个叫咗一个椰青同埋龙眼冰，泰国感觉即刻出晒嚟 。第一道菜上嘅系酸辣粉丝大蚬煲🍲， 汤底少少酸辣，加埋好重香茅同九层塔味道，劲开胃， 大蚬都够晒鲜甜。因为朋友病咗所以只可以食啲清淡嘢，咁啱呢度可以嗌越南嘢食，佢就要咗一碗鸡翼汤河(走埋䓤)，啱晒佢食。 我就要咗一个海鲜湿炒河🐟。虽然系湿炒河，但系师傅都炒到食落劲有镬气， 而且味道啱啱好唔会太咸，酱汁亦都唔会太杰，yummy yummy😁。 我哋另外仲加咗个冻鲜虾卷🍤。烟韧嘅粉皮包咗大大只嘅虾同粉丝，中间仲夹咗香叶，食落好清新，可以中和其他重口味嘅食物味道。 最后甜品要咗一件拉椰糕，烟烟韧韧甜度啱啱好，都系食泰国野必叫之选，为呢餐画上完美句号😍。