影片
更多
2017-01-02
778 浏览
今日同妈妈，妹妹加我一家五口去九龙城觅食，黎到呢一间试试。我地叫左泰式青木瓜沙律，烚狮蛤，大嘅冬阴公汤，泰式炒椰菜苗，虾酱炒饭，香叶炒河（猪肉），薄饼。先讲讲青木瓜沙律，酸酸辣辣好惹味，仲有蕃茄同虾米系入面，十分开胃。开头我谂住叫杂锦青木瓜沙律，但店员好细心地同我讲话因为有咸蟹系上面，怕我地香港人食唔惯所以叫我食泰式好d，值得一赞！烚狮蛤：我本身好钟意食狮蛤，再加埋个辣汁一流！冬阴公汤：都系好够辣，入面有好多香叶同香茅，仲有大虾系连壳嘅大虾，仲有虾头，有2只大虾，仲有草菇，系用一个炉仔上，可以保持住温度。泰式炒椰菜苗，因为有小朋友食所以叫左走辣，椰菜苗炒好味，炒出黎好香，小朋友都食左唔少。虾酱炒饭：系小朋友系餐牌见到张图入面碟饭有煎蛋就指明要叫，好香虾酱味，仲有d肉松系侧面，小朋友都每人食左2碗。香叶炒河：系好粗十嘅河粉，唔系平时食开嘅广东河粉，开头冇谂过系辣嘅但食落发现原来都几辣不过就会令人一路想食落去，但反而d猪肉就炒得鞋左少少。 薄饼：呢个超好食！佢系即场整嘅所以都要等下先黎到，不过个面好脆入面好软，超香嘅牛油味，我地要叫够2碟先够食，食完一件会令人再想食第二件，正！另外我叫左个
我地叫左泰式青木瓜沙律，烚狮蛤，大嘅冬阴公汤，泰式炒椰菜苗，虾酱炒饭，香叶炒河（猪肉），薄饼。
先讲讲青木瓜沙律，酸酸辣辣好惹味，仲有蕃茄同虾米系入面，十分开胃。开头我谂住叫杂锦青木瓜沙律，但店员好细心地同我讲话因为有咸蟹系上面，怕我地香港人食唔惯所以叫我食泰式好d，值得一赞！
烚狮蛤：我本身好钟意食狮蛤，再加埋个辣汁一流！
冬阴公汤：都系好够辣，入面有好多香叶同香茅，仲有大虾系连壳嘅大虾，仲有虾头，有2只大虾，仲有草菇，系用一个炉仔上，可以保持住温度。
泰式炒椰菜苗，因为有小朋友食所以叫左走辣，椰菜苗炒好味，炒出黎好香，小朋友都食左唔少。
虾酱炒饭：系小朋友系餐牌见到张图入面碟饭有煎蛋就指明要叫，好香虾酱味，仲有d肉松系侧面，小朋友都每人食左2碗。
香叶炒河：系好粗十嘅河粉，唔系平时食开嘅广东河粉，开头冇谂过系辣嘅但食落发现原来都几辣不过就会令人一路想食落去，但反而d猪肉就炒得鞋左少少。
薄饼：呢个超好食！佢系即场整嘅所以都要等下先黎到，不过个面好脆入面好软，超香嘅牛油味，我地要叫够2碟先够食，食完一件会令人再想食第二件，正！
另外我叫左个三色冰饮，入面有d一粒粒嘅阿答子，好正，不过就略嫌佢个面有好多椰汁打出黎好似泡咁嘅野，令到成杯野饮好似少左好多咁，饮左几啖就饮哂了。
但唯一问题系餐厅入面嘅座位设计得令人坐得有咁好，佢好多台都系打横一张长台，所以撘台机会十分高。
泰式炒椰菜苗
19 浏览
1 赞好
0 留言
三色冰
14 浏览
0 赞好
0 留言
虾酱炒饭
16 浏览
1 赞好
0 留言
冬阴公
12 浏览
0 赞好
0 留言
香叶炒河（猪肉）
26 浏览
0 赞好
0 留言
薄饼
12 浏览
1 赞好
0 留言
烚狮蛤
25 浏览
0 赞好
0 留言
泰式青木瓜沙律
42 浏览
0 赞好
0 留言
张贴
