阿來泰式地道風味 (已結業)

听过朋友讲哩间泰国菜几正宗，就试下啦！果然，一入到去就见到厨房入面既师傅系讲泰文既。心里面都已经有打算，应该够晒地道啦！叫左个辣椒膏虾头油海鲜炒饭，椒盐软壳蟹，泰式蚝仔蛋，芒果糯米饭，最后紧系唔少得支啤酒啦。本身价钱唔贵，不过一上菜，真系O左咀，都好大碟下喔！！！个炒饭好多海鲜，每淡饭都有海鲜陪伴，大虾都有几只。饭又炒得香，一粒一粒。食完个饭，结论已经变左唔单只系唔贵，系抵食。软壳蟹不嬲都系我至爱。哩次食到我好开心。平时叫软壳蟹得个两三旧切左一半既蟹，哩碟系有成六七旧架！认真开心。蚝仔蛋有超超超多蚝，炒得好香，点埋个酱，真系唔错。最后食甜品，个芒果酸左少少不过都OK，接受到。糯米饭就好味道，暖暖的，同个椰子汁好夹。朋友无介绍错，又抵又地道又好食，之后都会介绍我屋企人黎食。