少爺泰 (已結業)

今日系沙田围呢边开完工，就见到有间新开既泰菜餐厅食饭。 餐厅内人头涌涌，坐无虚席。佢呢度有午市套餐，木头车汤粉，仲有泰式下午茶。我同朋友睇完个menu就决定叫佢既signature dish 天天海南鸡饭 (HKD 62)加配热柚子蜜 (加HKD 2)同埋清迈黄咖喱牛坑腩饭 (HKD 65)加配顶瘾勾魂泰茶(配鲜忌廉，加HKD 12)。而佢既餐牌特别之处系会教人讲泰文。先黎既系海南鸡饭，分量都几大，有鸡腿有鸡胸，肉质好嫩滑，仲可以点泰式姜蓉同酸辣酱。佢啲油饭都有好多，味道好好，有椰香味添，但系食完无饱滞既感觉。 另外佢有酸青瓜同蔬菜等等。杯热柚子蜜就不过不失。跟住黎既就系个牛坑腩饭，就分量都唔细，有好多牛坑腩，而且好稔，一啲都唔韧。至于个黄咖喱汁唔算辣而且略带甜，令到我想再添食。值得一提既就系佢杯泰茶，味道系比普通奶茶较为甜，但系非常茶底滑而且又够香，令人真系好顶瘾。