牛陣 (形點 II)

营业中

休息中

今日嚟到元朗探朋友，打咗几圈麻雀，我哋就梗系去揾野医下肚啦，几年冇入嚟元朗，元朗果然完全唔同晒，啲商场有新又好行，经过见到牛阵出咗国特色嘅冬阴公汤底，好似好新颖咁就入去试吓啦。啲汤料上枱喇，10分之多，首先要将佢放落个获到炒两炒，令到啲汤料爆香左，之后再放啲海鲜落去，跟住服务员就准备咗啲冬阴公汤俾你放落去个获到，咁就成为咗一碗正宗嘅冬阴公汤啦，为食嘅我就梗系要饮返碗嚟试吓先啦。钟意酸味嘅可以放多啲青柠。，辣唔辣任君选择，钟意辣嘅可以放多啲辣椒，唔钟意辣嘅就可以唔放㗎。酱料都十分之多，而且干净整齐。牛肉，猪肉，牛脷，都系任叫任食架，肉质好爽，而且牛味又重，切到好薄，放落汤度滖一滖就食得，配上冬阴公汤底果然一流。其他嘅菜都好新鲜好丰富，菜类应有尽有，而且干净新鲜又整齐，令人眼前一亮。食完之后，仲可以享受返个甜品添，啲甜品都唔差架，有雪糕可以拣，最特别嘅系每人仲会送一支芒果糯米饭味嘅雪条，真系好有特色啊。