少爺泰 (已結業)

今日约左老表食饭，又好彩早收到，所以可以就佢放工喺沙田食。听佢介绍黎左河畔附近既呢间少爷泰食泰国野。呢区少啲连锁食肆，我觉得仲好，起码唔驶成日食standard野，多一点小区人情味。好似一入黎呢间餐厅咁，啲店员好热情，就算系我咁既生客都好似当我老朋友咁、又会好贴心介绍我食咩。店员话呢排凉凉地而热燥，最好叫啲汤，尤其系试下佢地个青胡椒花甲煲。一于就咁话。先黎左特浓冬荫功配虎虾 - 好香同埋好多料！两只虎虾好巨又好弹牙，而且汤底都好香，酸同辣度刚刚好👍🏼老表话最钟意呢度个汤够多菇，所以更加香。劲炒肉碎生菜包 - 呢个真系超大份，啲肉一啲都唔碎，系超大肉🤣而且佢炒得好香，落左啲香料但又唔会太浓太重味，就咁食又得，当然夹个生菜就会更清新。但碗肉碎真系太多，食哂啲菜都仲有大半碗肉。老表话打包再返去炒饭😂泰式什菜野菇炒金边粉 - 老表系菇精，所以拣叫金边粉都野菇，所以黎到好多菜，我觉得个粉既味有啲太甜，可能以菜为主。不过佢既卖相同份量都好吸引，加返啲分。青胡椒花甲煲 - 我最期待既𩠌黎啦，果然好香好重椒味，同啲海鲜好夹！呢个煲又煲好多菇😂变左全菇宴👏🏼啲花甲虽然唔系话好大，但够哂鲜味仲要索哂啲胡椒