阿來泰式地道風味

营业中

休息中

次次黎亲旺角唔系打边炉任食，就系日式放题。今日唔算太肚饿，所以唔使食放题，就拣咗一间泰式餐厅。好老实讲，平时都好少食九龙城以外嘅泰式餐厅，因为九龙城嘅泰式餐厅实在系泰出色。今日同行朋友想食泰国嘢就一于陪下佢啦。我同啲朋友都懒得谂食咩，见到有二人餐。基本系泰国舖想食嘅嘢都齐晒啦。海南鸡滑而不油；烧猪颈肉香而不油；生虾刺身间间都一样味架啦；生菜包分量刚刚好无剩菜或剩肉。剩返嘅蒜蓉包一定系拎嚟点咖喱食，所以我哋叫多咗一个泰王咖喱炒软壳蟹。软壳蟹都啖啖肉，咖喱又好香。其实我哋一行人有六个人，二人餐又点会够我哋食，所以我哋再叫咗以下嘅食物。冬阴公汤好足料起码有成六七只虾！最欣赏系串烧个汁，一啲都唔孤寒，务求每一条串烧都可以有汁！泰式金不换香辣肉片炒河，唔识咩系金不换大家可以看图识字。泰式咸鱼炒椰菜苗，咸鱼每一旧都好大粒！其实食泰国嘢都唔一定系九龙城食嘅，旺角食泰国菜都唔差吖。