曼谷車站

营业中

休息中

今日阿仔话闷左咁多日，不如收工出街食，佢话想食下泰国野，我即刻上openrice睇下有无好推介，睇左几间send左比阿仔睇，阿仔就拣咗去九龙湾曼谷车站，收工join埋个仔就即刻过去，7点松啲虽然已经好多人等位，但都唔算等得好耐就有位啦😃。我地叫左个🥢正宗泰式无骨猪手，猪手已去骨，啖啖肉又入味，猪皮烟烟靱靱，骨胶十足😋，阿仔超钟意食，差唔多成碟佢食晒🤣，最后食埋只蛋减去d油腻咁。🥢泰式虾炒金边粉 - 个粉炒得好干身唔油，加埋韮菜同芽菜，加多重爽口同香气，再加小小青柠汁落一齐食，更加开胃😋。🥢招牌泰式咖喱炒大虾 - 唔会太辣，但咖喱味极浓，虾亦好弹牙，最正系个汁杰杰地，其实最适合就系叫份蒜蓉饱点黎食，不过可惜今晚已食得饱饱啦。下次一定要带埋其他屋企人黎食，到时可以嗌多啲野食下，尤其最想试埋个肉碎生菜🥬包😋。