泰‧雅

营业中

休息中

今日同男朋友去巴黎伦敦纽约米兰戏院（贪佢够平）睇闪电侠，开场前先医肚，去咗雅都商场Food court 揾食。原来都几多食店拣，中日韩泰美都有，座位又多，坐得自在。男朋友今日就拣咗食泰菜。呢间泰菜选择唔少，有汤面、小食、冬阴功、串烧、烧物、甜品、饮品、饭餐、二人餐，同埋派对美食。泰式冬阴功汤河转金边粉 （$68）大大碗，份量好足。热辣辣又火辣辣，汤底好香浓，酸酸辣辣，又有椰香，好味。金边粉好滑身，仲有啲爽口的芽菜和菇菌。最吸引都系只大虾，啲肉弹牙，虾头就有甘香的虾膏，滋味！精选饭餐 C系泰式辣炒牛肉饭（$50）大大碟，不止饭多，连牛肉都好多，好抵食！炒得好够镬气，牛肉又嫩又入味，辣辣地，泰式风味十足！仲叫咗两款小食。半打沙嗲串烧（$50）猪牛鸡各两串，三款肉都好嫩，有啲焦香，仲整得入味，点埋啲沙嗲酱，香辣惹味，更正！另一款系泰式炸鱼饼（$22/4件），弹牙咸鲜，仲有些独特的香草香料味，再点啲泰式鸡酱，更好味！特饮泰式荔枝冰（$8/跟餐减$10）好冰冻，一解火辣。荔枝味好出，仲有三大粒荔枝，味道甜美。