泰中意 (已搬遷) 新店位置

第一次嚟到 #大水坑村 嘅我，有如置身童话世界，村民将中庭悉心打扮，加上每家每户喺露台都挂上灯饰，整个环境都好温馨♥️ 呢晚我哋就跟 #地胆 嚟到村入面嘅一间 #泰国菜馆 泰中意 Thai Like Kitchen 朝圣😎 餐厅地方唔算大，不过装饰得几骨子，适逢天气凉凉哋，如果呢晚可以安排我哋坐喺露天位置，感觉应该会更加chill😎 为咗试多几款唔同嘅口味，我哋决定每人点一个𩠌大家分享😚 成晚最令我难忘嘅系 #黄咖喱虾球，虽然虾球数量唔算多，但系我竟然捞 #咖喱汁都可以食晒成碗饭🍚落肚🤤 #黄咖喱 味道对我嚟讲唔算太辣，厨师喺咖喱汁里面加埋啲 #洋葱 🧅 同 #青椒 🫑 之类做伴菜，口感非常丰富🤤 即炸嘅 #虾饼 肉质爽弹，配埋泰式酱汁一齐入口，零舍滋味🤤 之后仲有 #海南鸡、#马拉盏通菜、#烤鱿鱼 … 都做得非常出色🤤 加埋 #小秘书 面前嘅新鲜 #椰青 🥥，正好为浓味嘅呢一餐好好协调😅 可惜椰青里面嘅 #椰子肉 太老身，想刮啲椰子肉出嚟食真系绝对冇可能… 成件事有啲嘥啰😅 成餐饭我唯一唔系太欣赏条 #乌头，味道太咸，再加上对一个唔识拆鱼骨嘅我，真系有啲困难😅整晚嘅气氛同食物都唔错♥️