影片
更多
2021-07-11
2301 浏览
之前去过中环Fast Gourmet食下午茶，食过返寻味，不过今次去西环主打泰菜嘅姊妹店食晚餐，分别点咗两道菜(HK$158)、三道菜(HK$208)。🍴龙虾凤梨沙律爽口龙虾肉加上清甜菠萝压成球，仲混合咗大量蟹子，味道同口感都好丰富。🍴冬荫龙虾汤流心牛角包龙虾汤依旧浓郁，遇上酸辣冬荫，味道复杂但非常之夹，比纯龙虾汤更有层次，更得我心。🍴冬荫龙虾汁烩海鲜食完牛角包，唔好畀佢停，呢道菜嘅汤汁比牛角包稀，但味道依然浓郁，配埋鲜甜海鲜滋味到不得了，食完碗饭，当然要饮埋啲汤先完美。🍴招牌西班牙黑毛猪腩配黑毛猪颈之前试过猪腩，调味较，今次畀多次机会佢，睇下佢会点用泰式调味去煮。猪腩同猪颈肉都系慢煮完再烧，猪腩腍滑，重油香，猪颈肉肥膏爽口，一啲都唔油腻，泰式调味在于咖喱南瓜蓉，细滑到可以用「汁」形容，好香甜，伴碟仲有紫椰菜，够酸爽，解腻一流。🍴椰子雪糕配风干凤梨及紫糯米意式雪糕口感绵密，椰味香浓，再加上椰丝、椰果，真好「椰」。本以为风干凤梨口感似干果，但咬落好似啄啄糖，好新奇。烟韧紫糯米捞埋椰子雪糕食，系泰国嘅味道。🍴泰式奶茶 HK$36、鸳鸯 HK$48奶茶本身想叫少甜，但店员话预先调好，饮落茶香
🍴龙虾凤梨沙律
爽口龙虾肉加上清甜菠萝压成球，仲混合咗大量蟹子，味道同口感都好丰富。
🍴冬荫龙虾汤流心牛角包
龙虾汤依旧浓郁，遇上酸辣冬荫，味道复杂但非常之夹，比纯龙虾汤更有层次，更得我心。
🍴冬荫龙虾汁烩海鲜
食完牛角包，唔好畀佢停，呢道菜嘅汤汁比牛角包稀，但味道依然浓郁，配埋鲜甜海鲜滋味到不得了，食完碗饭，当然要饮埋啲汤先完美。
🍴招牌西班牙黑毛猪腩配黑毛猪颈
之前试过猪腩，调味较，今次畀多次机会佢，睇下佢会点用泰式调味去煮。猪腩同猪颈肉都系慢煮完再烧，猪腩腍滑，重油香，猪颈肉肥膏爽口，一啲都唔油腻，泰式调味在于咖喱南瓜蓉，细滑到可以用「汁」形容，好香甜，伴碟仲有紫椰菜，够酸爽，解腻一流。
🍴椰子雪糕配风干凤梨及紫糯米
意式雪糕口感绵密，椰味香浓，再加上椰丝、椰果，真好「椰」。本以为风干凤梨口感似干果，但咬落好似啄啄糖，好新奇。烟韧紫糯米捞埋椰子雪糕食，系泰国嘅味道。
🍴泰式奶茶 HK$36、鸳鸯 HK$48
奶茶本身想叫少甜，但店员话预先调好，饮落茶香、奶滑、甜味平衡得恰到好处。鸳鸯就系泰式奶茶加一份特浓咖啡，份外香浓。
📍Lemon Grass by Fast Gourmet
西环坚尼地城卑路乍街150号加多近山地下A号舖
张贴
