阿來泰式地道風味

营业中

休息中

一嚟就叫咗个海南鸡饭先，有鸡翼，鸡髀同鸡胸肉，一次过满足哂三个愿望鸡肉嫩滑有香味，油饭虽然睇落冇咩色，但系都好入味酸辣嘅酱汁同鸡肉好配搭过吓口瘾真系唔错泰式小食拼盘有四样嘢食：虾饼，鱼饼，春卷同鸡翼呢个炸虾饼好推介虾滑好弹牙，炸得外脆内软，而且有虾味蒜蓉牛油鸡翼都系外脆内软嘅，外皮炸都好薄，沾上蒜茸粒，好香口春卷系素嘅，入面塞到满满都系馅，有芋头丝，莲藕丝，木耳，粉丝等等......食落有口感，春卷皮又够香脆炸鱼饼系橙色嘅，入面有好多好似扎肉嘅馅料，而且好重香茅味小食拼嘅中间系泰式辣酱，呢个配搭好正，中和返啲炸物嘅油腻感，又酸酸甜甜唔会辣原个椰青嘅椰肉极多，同朋友一人一个，起势用匙刮哂出嚟食，滑捋捋芒果糯米饭呢个甜品冇人可以抵抗微暖嘅糯米饭淋上甜丝丝嘅椰浆，香甜软糯大大个吕宋芒去核，而且起肉起得好干净，连核两旁嘅肉都起埋出嚟，冇偷工减料，亦冇浪费芒果好甜，一啲都唔酸，将芒果同满有椰香嘅糯米饭一齐食，为呢餐饭划上完美句号题外话：有个后生仔嘅男店员好有礼貌，服务态度好好，有个师奶就唔知点解好燥底