金寶泰國菜館

营业中

休息中

平时都系听人讲食泰国菜梗系要去九龙城啦，所以就决定入九龙城揾好野食，因为九龙城都几难去，所以平时都好少入去食饭。我地入咗依间餐厅，见到餐牌都真系有好多泰国必食既野。我叫咗最钟意食既泰式生虾，啲生虾都几新鲜，咁佢个特制酱汁同啲生虾都好夹，一齐食既感觉系梗加有鲜味。酱汁入面有青柠汁、生蒜头同辣椒。之后叫咗泰式生菜包辣肉碎，依个啲肉碎真系好惹味，调味做得吾错，有生菜包住食就岩岩好，个味吾会太浓。因为我又想食串烧又想食炸虾饼，所以就叫咗小食拼盘，有四种小食，咁就可以满足晒我既需要，有3旧虾饼、3条春卷、3串鸡肉串烧同埋3个烧鸡。个个用叶包住既烧鸡都几得意，不过我地都仲未知点解要用叶包住。仲叫咗青咖哩，我地好钟意依个味道，因为佢既既浓度、辣度同埋香料既味道都岩岩好，所以我地用哂啲咖哩汁捞饭。最后，我叫咗个芒果黑白糯米饭，啲芒果都算系甜，糯米饭都煮得刚刚好，但个椰汁就有少少甜。