享慢煮泰 (已結業)

今日去咗西环探朋友，之后就落咗去隔离嘅坚尼地城度揾食 😋 坚尼地城都有几多特色餐厅，最后拣咗呢间泰国餐厅，试咗个泰式下午茶。😋 叫咗 Afternoon Tea Set ($258/两位)。跟餐每款流心牛角包只需加 $28 蚊就可以食到，叫咗龙虾汤味同泰式奶茶味。自己拣咗龙虾汤，牛角包口感酥松香脆，一切开时味道浓郁嘅龙虾汤随即流哂出嚟，真系好鬼死正。🤤估唔到呢个 Tea Set 都几特别有海鲜食啱哂我。🥰最上层系生蚝同扇贝。中层就系蟹肉牛油果多士、黑松露春卷、猪颈肉包。下层就有几款甜品，每款甜品都唔错，味道唔会太甜。整体嚟讲呢餐自己都几钟意 🥰 加上假日都只系收呢个价钱真系相当吸引。