影片
更多
2018-08-16
1259 浏览
事源系咁嘅,话说有一日喺旺角行完街,好想食串烧,谂嚟谂去,最近番屋企嘅车站,只系有呢家食店有泰式串烧,抬头望一望,见佢猪肉鸡肉同司华力肠都系卖$12蚊一串姐,所以就叫咗两鸡一猪番屋企啦,试完之后发现出奇地好味,尤其系佢只沙嗲酱我好钟意,又惹味又香,要咗辣嘅更加食到流口水,所以呢一晚就决定叫阿肥嚟入舖试下佢嘅full set泰国菜啦。我哋嚟嘅时间都差唔多夜晚十点几,仍然系枱枱都有客,有个亲切嘅哥哥店员招呼我哋,仲介绍佢哋其中一个特价菜单,原本系分咗星期一至日,每日都有一款平嘢,咁佢话过咗十点后冇分架喇,全部都一样会特价Yeahhh,即系愈夜愈开心喇。我哋就点咗以下呢几款：1.泰式猪手(例牌)2.泰式炸虾饼拼炸春卷3.泰烧和牛串 x 24.串烧沙嗲(4鸡2猪)5.泰式椰青6.泰式啡噢靓另外,仲可以用极级优惠价$1蚊一碟任选小食,我哋本来想叫泰式椰汁糕架,但原来卖哂了,所以我哋拣咗泰式生虾。我本来以为一蚊咁平,可能应该都系一人一只就算架啦,点知佢嚟到我见到总共都有四只㖞,开心指数即时提升人哋话生虾唔好放太耐先食,惊有细菌,所以我拿拿临就放入口,点埋佢提供嘅泰式辣汁,再加块蒜片,就算系一蚊嘅都
我哋嚟嘅时间都差唔多夜晚十点几,仍然系枱枱都有客,有个亲切嘅哥哥店员招呼我哋,仲介绍佢哋其中一个特价菜单,原本系分咗星期一至日,每日都有一款平嘢,咁佢话过咗十点后冇分架喇,全部都一样会特价Yeahhh,即系愈夜愈开心喇。
我哋就点咗以下呢几款：
1.泰式猪手(例牌)
2.泰式炸虾饼拼炸春卷
3.泰烧和牛串 x 2
4.串烧沙嗲(4鸡2猪)
5.泰式椰青
6.泰式啡噢靓
另外,仲可以用极级优惠价$1蚊一碟任选小食,我哋本来想叫泰式椰汁糕架,但原来卖哂了,所以我哋拣咗泰式生虾。
我本来以为一蚊咁平,可能应该都系一人一只就算架啦,点知佢嚟到我见到总共都有四只㖞,开心指数即时提升人哋话生虾唔好放太耐先食,惊有细菌,所以我拿拿临就放入口,点埋佢提供嘅泰式辣汁,再加块蒜片,就算系一蚊嘅都仍然好味道!!!
串烧来了~即叫即烧,热辣辣,无论鸡肉同猪肉都一样好味,阿肥怕辣都食得到,出面个专门负责串烧嘅姐姐应该已经经验老到,唔会烧到啲肉干争争,要再一次强调佢嘅沙嗲酱我真系觉得好正
泰烧和牛串就会比较贵啲,要廿蚊串,一串有四粒和牛,中间会夹住啲青椒同洋葱,我都觉得几好食,几香,和牛肉质都够软腍,唔会有筋,拣饮择食嘅阿肥就挑走哂啲青椒因为佢唔钟意食嘅🤷🏻♀️
炸春卷就OK啦味道唔错,不过个皮唔够脆,所以唔够香口~炸虾饼就好食啲,有咬口同埋虾胶都弹弹地牙,点啲泰式辣酱一齐食会更加美味,只系略嫌呢个拼盘要$71蚊就好似贵咗小小。
个泰式猪手(例牌)个卖相就一流,好似入哂味咁,不过因为我一向都唔食猪手嘅,呢碟嘢系阿肥一人独享,佢就食到好滋味,同我汇报话劲好食,啲肉好腍好入味,仲有几条芥兰同半只卤水蛋伴碟添,另外仲有啲酸菜,应该系for解油腻嘅,哈哈😬
最后就到饮品,阿肥话佢个椰青劲劲劲好味,里面啲椰子肉唔会实的的,又唔硬,叹完仲话想再encore,俾我制止咗
而我𠮶杯泰式啡噢靓,我本来系见个名咁特别,同埋$14蚊一杯又唔贵,所以点嚟试下~店员哥哥喺我落单嘅时候向我强调,系一杯甜嘅斋啡来~啱丫!斋啡我至钟意喇
总括嚟讲,呢度嘅食物水准都算几好,价钱亦算OK,如果要食泰国菜,唔一定要去九龙城啦
泰式啡噢靓+泰式椰青
$52
37 浏览
0 赞好
0 留言
串烧沙嗲(4🐔2🐷)
$72
18 浏览
0 赞好
0 留言
泰式生虾
$1
23 浏览
0 赞好
0 留言
泰式炸虾饼拼炸春卷
$71
21 浏览
0 赞好
0 留言
泰烧和牛串
$40
26 浏览
0 赞好
0 留言
泰式猪手(例牌)
$58
15 浏览
0 赞好
0 留言
张贴
