泰金鍋

营业中

休息中

天气咁冻，打边炉就最啱！今日就去咗荃湾海之恋商场嘅泰金锅任食放题。八款汤底，四款套餐，价钱$200-400，仲有活虾放题，可以食几多就睇下大家嘅手气同运气捉到几多嘞！今晚一人一锅拣咗青柠椰奶鸡汤锅药膳猪骨白汤锅。药膳猪骨白汤锅，用料足、猪骨味浓；青柠椰奶鸡汤锅有浓浓香茅同青柠香，酸酸甜甜又有椰奶香味，特别开胃！肚饿又未捉到虾，可以先食住热荤。呢度种类好多：海南鸡、泰式油饭、炒饭、虾饺、虫草花烧卖、流沙包同合桃包，真系应有尽有。又可以试埋泰式奶茶同香茅水，都好香好好饮。仲有糖水、小食、水果同雪糕雪条。酒水都有好多选择，一定可以拣到啱心水。今次叫咗C餐，食澳洲产M6和牛餐，牛味香浓，点埋泰式边炉酱甜甜地辣辣地，更加惹味。牛胸爽同牛舌都好爽口。特别喜欢西班牙伊比亚豚肉，肉味香又唔会韧，打边炉一流。仲有日本扇贝、泰式炸虾饼、泰式沙嗲串烧同烧菠萝，包罗万有，足120分钟有得食有得玩，最适合一家大细，过节庆生嚟刷返餐。