泰式食

营业中

休息中

宜家喺铜锣湾已经好少见到泰国菜嘅地铺，所以都系上网揾，睇吓边间好食。今日就试吓呢间泰式食。入到去地方都几大，大到可以放架笃笃。今日两个人去，咁啱又有个二人set,就试吓啦。海鲜冬阴公汤，酸辣味啱啱好，入面仲有海虾，所以带点鲜甜味。青木瓜沙律，清新爽口嘅木瓜，味道够晒酸辣，非常开胃。椒盐炒鲜鱿，鲜鱿都新鲜爽口弹牙，而外皮脆口，都几嘢味!飞天炒通菜，镬气十足，辣椒同虾米仔炒到劲香。泰式拼盘，有虾饼，鱼饼啲饼炸到胀卜卜肥嘟嘟，好弹呀，另外仲有热辣辣春。