泰象苑 (已結業)

今日又要全日跳舞，跳舞前要食饱啲，啱啱喺呢几条街行过，谂谂下好耐都冇食泰国嘢，就系呢度食午餐。午餐有好多选择，我而家好想食啲香口嘢，所以就嗌咗炒粉饭嘅呢个。 香草肉碎炒饭43蚊，有埋只煎蛋煎蛋未系全熟，仲有蛋汁真系好送饭，香草肉碎嘅香草系好有泰国味，肉碎有啲肥，加咗红辣椒去炒嘅味道系辣辣地几惹味， 捞埋白饭嚟食，白饭都够干身，乜佢唔系叫炒饭咩？ 呢碟饭我点食都觉得系食泰国嘢，好彩冇中国𩠌嘅味道。跟餐饮品可以加8蚊改为泰式饮品，我想要饮青柠梳打，清凉下但系饮落好特别，唔似净系得青柠加梳打水咁简单，饮落似系加咗啲青柠汁咁啰！一个午餐真系食到好饱！