阿閒泰 (K11購物藝術館)

营业中

休息中

尖沙咀坐得好少少又唔算贵嘅午餐，呢间泰式菜就系唔错嘅选择。炭烧鸡扒浓汤船面，拣了幼面。呢碗船面可以话系一个非常丰富嘅选择！炭烧鸡扒香气十足，外层微微焦香，鸡肉嫩滑多汁，够哂入味。配埋浓郁嘅汤底，汤底醇厚，带有微辣同少少香料嘅甘香味，幼面口感烟韧。冬荫功虎虾汤面，拣了米粉。汤底好香辣。虎虾新鲜爽口，米粉滑嫩，好惹味。小食加了泰式单骨鸡翼及咸蛋黄薯条。泰式单骨鸡翼，鸡翼炸到金黄香脆，但内里肉质仍然保持嫩滑。调味方面用咗泰式风味嘅酱汁，带少少酸辣味，完全唔会觉得腻口，非常适合作为小食。咸蛋黄薯条外层均匀地裹上咸蛋黄酱，咸香浓郁。饮品泰式季节茶及即磨咖啡。热泰式季节茶带有微微嘅香料气息，而即磨咖啡就充满香浓嘅咖啡豆味道。