金三角

营业中

休息中

有事要去九龙城处理，处理完之后就觅食，喺九龙城就梗系想食泰国菜，经过呢间小店，喺门口望两眼，跟住同店员倾咗几句，发觉佢哋全部都系泰国人，咁就决定喺呢度食😁叫咗$58嘅「猪颈肉炒饭」、$63嘅「泰式炒芥兰」，再加杯「泰式冻奶茶」😋「炒芥兰」先上，呢个安排我喜欢，食蔬菜先感觉健康啲；芥兰菜好新鲜，加大量蒜蓉、红辣椒、黄豆、泰式酱汁等一齐炒，非常美味😋「猪颈肉炒饭」炒得好香口，加埋切粒嘅猪颈肉一齐食好滋味；店员姐姐更主动俾啲鱼露我，鱼露里边充满红椒同蒜粒，加埋落炒饭里面食更加惹味😋小店食物质素几高，食完我仲同店员举起三只手指，佢哋都明白我👍💪😋